أولاد شكير

نحن أولاد شكير أهل الضأن والنوق
نحن صغيرنا منافر الحلة ضارب العشنوق
نحن البهاب لقانا كافة المخلوق
حنضل لي العادانا ولي البدورنا لذاذ في الضوق

نحن أولاد اب علي و حسان وأبونا شكير
ود لبونا بشيل حمل النائب وبيهو يغير
نحن الوصفنا بين القبائل ما بدورلو تفسير
نحن المقامنا فوق للثريا ماشي كتير

نحن أولاد شكير عزة وسمتة وطولة بال
صغيرنا تلقاهو لي حمل الضعيف شيال
نحن الفي ساعة الكرنة ثابتة قلوبنا جبال
فصل الجتة من الرأس أم هبج في شرعها حلال

نحن أولاد أب علي ورثتنا كرم وشجاعة
مكوك فرسة ركوبنا الماصع أب دلاعة
مركب جودنا للضيف ديمة باسطة شراعا
تبحر في محيط الكرم ما دام حملها كلو قناعة

نحن اليوم الحارة بنقود الصف
نحن حجر الصاقعة البياخد كــــــــف
ماسكين درب أبواتنا مافينا واحدا لــــــف
تقال في البتلومنا لكن يوم الحارة نخــــف
جبرالله خالد جبرالله
رقم الهاتف : 00971509269069
البريد الالكتروني :
[ندعوك للتسجيل في المنتدى أو التعريف بنفسك لمعاينة هذا الرابط]

ابشر ابشر وحرم حبابك في دارك ونورت المنتدى وجاينك برواقه

حباب جبر الله مرحبتين حبابك فى دارك وبين عشيرتك
ومرحب حباب اولاد وبنات شكير العزاز اهل الارض

نحن أولاد شكير يا أم حاجباً مشبوك
ونحن العندنا الجري والفزيز متروك
ونحن العام قريب كاتلين دغيم يا أم دوك