ابيات دوبيت في حق اولاد شكير

.عفافا للرزايل حاشا ما بدنو .
. الجار والعشير دايما عليهو بحنو .
. قراف الصقور من الكباد شابعنو .
. نشرب صافي والغيرنا بي الكدرساقينو


حسان وابعلي واب سن حدار الجار
كاتلين عز مكوك كم بردوها الدار
من الهايكوته لي بلد ابو قنا وصغار
ما خلوها نية تتقلب للنار


نحن الود لبونا بشيل حمول النائب
تصرم عندنا القحية البصيبها الصائب
نحن اولاد شكير جور نالنا كلو نقائب
ديمة نلولي في المحن الكبار وغرايب


قال ود عبشبيش يخاطب البطانة:
بندق فيك نحاساً من قديم راجينا
فيه خيولنا عارضات كيه للمابينا
كان ما تجرتقك دماً علوجه سمينة
لا تجيبي لنا حنتوت يا ام هواياً زينة
***
حليل اهلك حليل البردوك قبيل
دا هجين المقادير بي مرور الخيل
قبال التصاويت والبهادل ديل
ما شافو الاضافر في جوامع السيل

والعندو من النوع دا كلو ادينا

هيلنا السيف والدرع والحصان والخوده
وهيلنا البدخل العركه ام عجلج مابحود
هيلنا القوم البحلحلو المعقوده
هيلنا النسبه لاعند الرسول ممدوده