منتدى ابناء قبيلة الشكريه

منتدى ابناء قبيلة الشكريه

منتدى للتواصل بين ابناءالقبيله سجل واترك بصمتك
 
الرئيسيةاليوميةس .و .جبحـثالمجموعاتالتسجيلدخول
المواضيع الأخيرة
» عمارة التاي (الهدام)
الجمعة أكتوبر 23, 2015 9:36 am من طرف يوسف كيكل

» جميلة جمال الجيل جمله جالية جمالو# وجيدك يا شكرية أجود من جيد جيد جدي العسير في مالو
الجمعة أكتوبر 23, 2015 9:27 am من طرف يوسف كيكل

» وثيقة البطانة
الجمعة أكتوبر 23, 2015 9:23 am من طرف يوسف كيكل

» تناول بطون الشكرية بالتفصيل
الجمعة أكتوبر 17, 2014 6:08 pm من طرف محمد أبو مسعود الاعوالي

» تحية رمضانية
الأحد يوليو 13, 2014 5:43 am من طرف جعفر زيدان عثمان

» دعوه للتعارف اترك تلفونك
الخميس مارس 13, 2014 4:31 am من طرف يوسف كيكل

» ملامح من اعمال شاعر البطانة ام هبج فى محاولة تحتاج لكثير من التوثيق والمراجع
الإثنين ديسمبر 23, 2013 3:31 am من طرف أحمد التاي العوض

» هلاك القري
الثلاثاء نوفمبر 26, 2013 10:05 am من طرف الصادق احمد عمارة

» رقابة الله عزوجل
الإثنين نوفمبر 25, 2013 4:42 pm من طرف الصادق احمد عمارة

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث

شاطر | 
 

 أنـــا أفريقي أنـــا سوداني أنـــا شُكري

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حنان الشكريه
عضو مميز
عضو مميز
avatar

عدد المساهمات : 10
تاريخ التسجيل : 14/12/2010

مُساهمةموضوع: أنـــا أفريقي أنـــا سوداني أنـــا شُكري   الإثنين ديسمبر 27, 2010 12:29 am

أنـــــــــــــــــــــــــــــــــا أفريقي ,,, أنـــــــــــــــــــــــــــــــــا سوداني ,,, أنـــــــــــــــــــــــــــــــــا شُكري
[ندعوك للتسجيل في المنتدى أو التعريف بنفسك لمعاينة هذا الرابط]

رسالة بليغه من أهل العوض مخصوصه
للإبن الظريف ود المدن ود موسي
بدور رد السؤال لو باللغه المهموسه
فينا نقيصه ولا الصوره جات معكوسه ؟

جبتا الفتنه تعلن حرب بجاسوسه
والسبب الفنيله القلت في الوسخ مدسوسه
نحن نفوسنا في بحور العفاف مغموسه
مية غمسه لاعار لا دنس لا سوسه

نحنا أهل العوض والعزة مابنكوسا
أصحاب سمته وأصحاب فرسةً موروثه
نحنا أنعامنا بتعاف ترتع المعفوسه
ونحن جدودنا عادي بطيعوا الجاموسه

إيانا أهل العوض أهل النحاس أب رنّه
أهل البَدره والمهيوب وأهل الشنّه
أهل عزه وأهل سمته وعروض ومحنه
ناس البادية ناساً عشرتن تتمنى

نحن أهل العوض حافظين عهود ماخناّ
وللجار و العشير بالشينه ما تعجلنا
بيوتنا مسيد ضيوف زمن العدم مابخلنا
وما بصح الوليد في أعرافنا يجاهلنا

ونحنا أهل العوض والله لاتقينا ولا تبدلنا
واثبين كالأسود من واجبه ما اتماهنا
في البر في البحرتلقانا وين ما كنّا
في قمم الرجال كَذب البمِس لى حصونّا

ونحناأهل العوض في الحالي و الفات كنا
قج شرك الكلا م في مشينا ما بعطلنا
بس بوعيك أكان دقس في أصولنا ومتجاهلنا
نحسب في الجدود ستين ومن غيرإنَّ

ونِحنا ربّونا الشياب فوق ماما ماتعجنا
حافظين لسان حافظين كرامة أهلنا
أشبال من أسود في ضبعه ما تهجنا
سايرين سير كِرام لامن نلاقي أجلنا

ونِحنا ذاتنا يا ود موسي ما بواخذونا بي بنولـِّد
و الـماعندو رأي حقو يتبع ويقلد
لو ما مخـّك المخمود وحسك المتبلد
جامعة موسكو ما جابت دكاتره تولد ! ؟

ما راعيت شُعور الناس شعورك فاتره
بتسيء للعزار أهل السيوف الباتره
أَمَانه تَدخنك شطه ودموعك قاطره
ما سمعت بالولاده أِتخصصولا دكاتره !؟

نِحنَ والله عرب وأولاد عرب لينا الشرف والعز
بِنسرح بالرزق نحلب نصـُر ونجز
ويُوم الحارة والعركة السلاح برز
ثابتين كالجبال الشامخه مابنفز

المخسوفه والمرقوعه ياها لباسنا
المجلوبه والمقنيه من ميراثنا
الجار والعشير من الكتف لى راسنا
في المال والعروض تخشى الملوك من باسنا

ليه يا ود موسى بتذم الرجال بالعايله؟!
ما بعشّوا الضيوف تحت السحابه الشايله ؟!
ما سمعت في أم همج كاكوم عقيد الزايله ؟!
ما سمعت بالنمر حرق الخديوي القايله ؟!

لكن لِسانك فك يا إبني أصلوا مابتستامن
تشحن في النفوس من الغبينه مُداماً
بس سمة المن مثالك في البحر بترامن
العربي إن رقص ألبل قرونن قامن

دحين ياخي رغم الغطرسه بالتمثيل وحبة كاشك
تلقى أصفارنا أكبرمن مِساحة داشك
شبعانين طحين من الفطير ودُراشك
أخير تبعد بخاف من شوكنا يخرب شاشك

ومهما زعمت من عزه ونفخ فشفاشك
أعلم طينّا أنصح من تُراب خشخاشك
شُوف ليك ناس رخاس تاخد عليهم فاشك
أول غلطه كان تنيتا بنعل خاشك

دحين ياخي أولاد عرب والغير عرب كلهم أخوانك
إحذر واكترث شكل قوافي لسانك
والرمي فوق الجماعه بالتعابير خانك
في نُص البحر بتدُور تقج صيوانك ! ؟

نحنا نضافنا يا ود موسي مو صابون
نحنا نضافنا فى عروض وشرف مصيون
نحنا نضاف ضراع بالدكري المسنون
طيبين عُشره ولكن للخصيم طاعون

نحنا سماحنا يا ود موسي مو كريمات ولمعة لون
نحنا ولدنا عاشميق عكس للعرجون
نحنا ناس لينا أعراض بيحكما القانون
سماحة الزول يفرّج كُربة المَمحُون

نحنا دفعنا يا ودموسي ما جركانِ
ونحنا ما بندفع الجبنه وحليب الكانِ
ونحنا دفعنا فى النوق أمات سناماً بانِ
نحنا ضربنا للعوق انفجاربُركانِ

وكان كلمنا يا ود موسي بنقول الكلام حقاني
وكان غنينا بنخت الشعر فى معاني
عزيزين فى النسب من ذله مابنعاني
نحسب فى الجدود ستين ومن غيرعاني

دحين يا غبار الكبرياء المن المعالم حاجب
أحذر منّوا لا ينسيك حقوق الواجب
ومن أمثال تراثنا الفي العرف والواجب
مهما العين تطول مابتعلى فوق الحاجب

وعشان ما نغلط معاك ونشيل النقط من شينك
أوعى تعضعض الناس البوضحوا شينك
هسع وقعت في الحله ووجب تكشينك
شن ودّاك لشعراء البطانه تشينك

دحين ياخي الطامع في كثيرة الغير قليلتو تضيع
وسيد بيت القزاز ماببدأ بالجديع
بولاد الحديد القاسي في القطيع
العربي إن حرن وسط المحاص مابطيع

نحن والله لا بنخاف لا بنعاف ولا بنتهدد
لا بنكل ولا بنمل ولابنتردد
كمان للزول البخون عُشرتنا ما بنتودد
نبقالو البلا في كُل فِجَة مَمَدَّد



***************************
الرجوع الى أعلى الصفحة اذهب الى الأسفل
خلف الله الناير اسماعيل
عضو نشط
عضو نشط
avatar

عدد المساهمات : 63
تاريخ التسجيل : 28/09/2010
العمر : 49
الموقع : facebook

مُساهمةموضوع: رد: أنـــا أفريقي أنـــا سوداني أنـــا شُكري   الإثنين ديسمبر 27, 2010 2:25 am

اى والله فى كل فجة منتمدد
الرجوع الى أعلى الصفحة اذهب الى الأسفل
يوسف كيكل
Admin
avatar

عدد المساهمات : 127
تاريخ التسجيل : 22/06/2010

مُساهمةموضوع: رد: أنـــا أفريقي أنـــا سوداني أنـــا شُكري   الإثنين ديسمبر 27, 2010 3:33 am

الشكريه اكثر الناس تمسكا بعاداهم وموروثاتم واصالتهم
والماعندو اصل يشتريه
تحيه ليوسف الشوبلي وزير الدفاع
وتحيه وسلام ممزوجه بعبق نسام البطانه لك اخت حنان الشكريه
على هذا البوست الش
يق

_________________
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://shkrea.yoo7.com
حنان الشكريه
عضو مميز
عضو مميز
avatar

عدد المساهمات : 10
تاريخ التسجيل : 14/12/2010

مُساهمةموضوع: رد: أنـــا أفريقي أنـــا سوداني أنـــا شُكري   الثلاثاء ديسمبر 28, 2010 7:28 pm


ايوه العز بالأهل يا أدمن,,,,,والتحيه كمان ليك والله يحفظك من كل مكروه.
الرجوع الى أعلى الصفحة اذهب الى الأسفل
أحمد التاي العوض
عضو نشط
عضو نشط
avatar

عدد المساهمات : 51
تاريخ التسجيل : 28/11/2010
العمر : 56
الموقع : السعودية - مدينة الهفوف

مُساهمةموضوع: رد: أنـــا أفريقي أنـــا سوداني أنـــا شُكري   الأربعاء ديسمبر 29, 2010 3:13 am

نحن أولاد شكير يا أم حاجباً مشبوك
ونحن العندنا الجري والفزيز متروك
نحن للعشير وجهاً سمح وضحوك
ونحن العام قريب كا تلين دغيم يا أم (دوك)*

حاشية:
أحمد دوك هو من فرسان البطانة (مهيدي) وأدت حروبه إلى إنهاء وجود قبيلة دغيم بالبطانة وتسمى البطانة أيضاً بأم دوك نسبة لأحمد دوك فقد كانت بمثابة الأم من حبه لها.

الرجوع الى أعلى الصفحة اذهب الى الأسفل
خلف الله الناير اسماعيل
عضو نشط
عضو نشط
avatar

عدد المساهمات : 63
تاريخ التسجيل : 28/09/2010
العمر : 49
الموقع : facebook

مُساهمةموضوع: رد: أنـــا أفريقي أنـــا سوداني أنـــا شُكري   الأربعاء ديسمبر 29, 2010 3:25 am

نحن الغر ملوك الدار ونسر الجنة جدنا جعفر الطيار
الرجوع الى أعلى الصفحة اذهب الى الأسفل
يوسف كيكل
Admin
avatar

عدد المساهمات : 127
تاريخ التسجيل : 22/06/2010

مُساهمةموضوع: رد: أنـــا أفريقي أنـــا سوداني أنـــا شُكري   الأربعاء ديسمبر 29, 2010 3:35 am

أحمد التاي العوض كتب:
نحن أولاد شكير يا أم حاجباً مشبوك
ونحن العندنا الجري والفزيز متروك
نحن للعشير وجهاً سمح وضحوك
ونحن العام قريب كا تلين دغيم يا أم (دوك)*

حاشية:
أحمد دوك هو من فرسان البطانة (مهيدي) وأدت حروبه إلى إنهاء وجود قبيلة دغيم بالبطانة وتسمى البطانة أيضاً بأم دوك نسبة لأحمد دوك فقد كانت بمثابة الأم من حبه لها.


احمد التاي ياحبيب نتستمتع دايما بمشاركاتك الثره
لك التحيه

_________________
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://shkrea.yoo7.com
حنان الشكريه
عضو مميز
عضو مميز
avatar

عدد المساهمات : 10
تاريخ التسجيل : 14/12/2010

مُساهمةموضوع: رد: أنـــا أفريقي أنـــا سوداني أنـــا شُكري   الجمعة ديسمبر 31, 2010 6:26 pm

أنــــــــــــا أفريقي ,,, أنـــــــــــا سوداني


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
يوسف كيكل
Admin
avatar

عدد المساهمات : 127
تاريخ التسجيل : 22/06/2010

مُساهمةموضوع: رد: أنـــا أفريقي أنـــا سوداني أنـــا شُكري   الأحد يناير 02, 2011 5:42 am

اياهو العوض سيد الرجال المابخلي اللوم قفا
دخري الحريم سكينو لامها للضبح ايديهوديما مكف كفا
[ندعوك للتسجيل في المنتدى أو التعريف بنفسك لمعاينة هذا الرابط]

_________________
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://shkrea.yoo7.com
ود كيكل
عضو مميز
عضو مميز
avatar

عدد المساهمات : 10
تاريخ التسجيل : 22/06/2010

مُساهمةموضوع: رد: أنـــا أفريقي أنـــا سوداني أنـــا شُكري   الإثنين يناير 03, 2011 8:24 am

حنان الشكريه كتب:
أنـــــــــــــــــــــــــــــــــا أفريقي ,,, أنـــــــــــــــــــــــــــــــــا سوداني ,,, أنـــــــــــــــــــــــــــــــــا شُكري
[ندعوك للتسجيل في المنتدى أو التعريف بنفسك لمعاينة هذا الرابط]

رسالة بليغه من أهل العوض مخصوصه
للإبن الظريف ود المدن ود موسي
بدور رد السؤال لو باللغه المهموسه
فينا نقيصه ولا الصوره جات معكوسه ؟

جبتا الفتنه تعلن حرب بجاسوسه
والسبب الفنيله القلت في الوسخ مدسوسه
نحن نفوسنا في بحور العفاف مغموسه
مية غمسه لاعار لا دنس لا سوسه

نحنا أهل العوض والعزة مابنكوسا
أصحاب سمته وأصحاب فرسةً موروثه
نحنا أنعامنا بتعاف ترتع المعفوسه
ونحن جدودنا عادي بطيعوا الجاموسه

إيانا أهل العوض أهل النحاس أب رنّه
أهل البَدره والمهيوب وأهل الشنّه
أهل عزه وأهل سمته وعروض ومحنه
ناس البادية ناساً عشرتن تتمنى

نحن أهل العوض حافظين عهود ماخناّ
وللجار و العشير بالشينه ما تعجلنا
بيوتنا مسيد ضيوف زمن العدم مابخلنا
وما بصح الوليد في أعرافنا يجاهلنا

ونحنا أهل العوض والله لاتقينا ولا تبدلنا
واثبين كالأسود من واجبه ما اتماهنا
في البر في البحرتلقانا وين ما كنّا
في قمم الرجال كَذب البمِس لى حصونّا

ونحناأهل العوض في الحالي و الفات كنا
قج شرك الكلا م في مشينا ما بعطلنا
بس بوعيك أكان دقس في أصولنا ومتجاهلنا
نحسب في الجدود ستين ومن غيرإنَّ

ونِحنا ربّونا الشياب فوق ماما ماتعجنا
حافظين لسان حافظين كرامة أهلنا
أشبال من أسود في ضبعه ما تهجنا
سايرين سير كِرام لامن نلاقي أجلنا

ونِحنا ذاتنا يا ود موسي ما بواخذونا بي بنولـِّد
و الـماعندو رأي حقو يتبع ويقلد
لو ما مخـّك المخمود وحسك المتبلد
جامعة موسكو ما جابت دكاتره تولد ! ؟

ما راعيت شُعور الناس شعورك فاتره
بتسيء للعزار أهل السيوف الباتره
أَمَانه تَدخنك شطه ودموعك قاطره
ما سمعت بالولاده أِتخصصولا دكاتره !؟

نِحنَ والله عرب وأولاد عرب لينا الشرف والعز
بِنسرح بالرزق نحلب نصـُر ونجز
ويُوم الحارة والعركة السلاح برز
ثابتين كالجبال الشامخه مابنفز

المخسوفه والمرقوعه ياها لباسنا
المجلوبه والمقنيه من ميراثنا
الجار والعشير من الكتف لى راسنا
في المال والعروض تخشى الملوك من باسنا

ليه يا ود موسى بتذم الرجال بالعايله؟!
ما بعشّوا الضيوف تحت السحابه الشايله ؟!
ما سمعت في أم همج كاكوم عقيد الزايله ؟!
ما سمعت بالنمر حرق الخديوي القايله ؟!

لكن لِسانك فك يا إبني أصلوا مابتستامن
تشحن في النفوس من الغبينه مُداماً
بس سمة المن مثالك في البحر بترامن
العربي إن رقص ألبل قرونن قامن

دحين ياخي رغم الغطرسه بالتمثيل وحبة كاشك
تلقى أصفارنا أكبرمن مِساحة داشك
شبعانين طحين من الفطير ودُراشك
أخير تبعد بخاف من شوكنا يخرب شاشك

ومهما زعمت من عزه ونفخ فشفاشك
أعلم طينّا أنصح من تُراب خشخاشك
شُوف ليك ناس رخاس تاخد عليهم فاشك
أول غلطه كان تنيتا بنعل خاشك

دحين ياخي أولاد عرب والغير عرب كلهم أخوانك
إحذر واكترث شكل قوافي لسانك
والرمي فوق الجماعه بالتعابير خانك
في نُص البحر بتدُور تقج صيوانك ! ؟

نحنا نضافنا يا ود موسي مو صابون
نحنا نضافنا فى عروض وشرف مصيون
نحنا نضاف ضراع بالدكري المسنون
طيبين عُشره ولكن للخصيم طاعون

نحنا سماحنا يا ود موسي مو كريمات ولمعة لون
نحنا ولدنا عاشميق عكس للعرجون
نحنا ناس لينا أعراض بيحكما القانون
سماحة الزول يفرّج كُربة المَمحُون

نحنا دفعنا يا ودموسي ما جركانِ
ونحنا ما بندفع الجبنه وحليب الكانِ
ونحنا دفعنا فى النوق أمات سناماً بانِ
نحنا ضربنا للعوق انفجاربُركانِ

وكان كلمنا يا ود موسي بنقول الكلام حقاني
وكان غنينا بنخت الشعر فى معاني
عزيزين فى النسب من ذله مابنعاني
نحسب فى الجدود ستين ومن غيرعاني

دحين يا غبار الكبرياء المن المعالم حاجب
أحذر منّوا لا ينسيك حقوق الواجب
ومن أمثال تراثنا الفي العرف والواجب
مهما العين تطول مابتعلى فوق الحاجب

وعشان ما نغلط معاك ونشيل النقط من شينك
أوعى تعضعض الناس البوضحوا شينك
هسع وقعت في الحله ووجب تكشينك
شن ودّاك لشعراء البطانه تشينك

دحين ياخي الطامع في كثيرة الغير قليلتو تضيع
وسيد بيت القزاز ماببدأ بالجديع
بولاد الحديد القاسي في القطيع
العربي إن حرن وسط المحاص مابطيع

نحن والله لا بنخاف لا بنعاف ولا بنتهدد
لا بنكل ولا بنمل ولابنتردد
كمان للزول البخون عُشرتنا ما بنتودد
نبقالو البلا في كُل فِجَة مَمَدَّد



***************************

والله عفا عليك يا ود الشوبلي اديتو دروس ما كان عارفه
الرجوع الى أعلى الصفحة اذهب الى الأسفل
شكرية سعودية



عدد المساهمات : 2
تاريخ التسجيل : 18/03/2011

مُساهمةموضوع: رد: أنـــا أفريقي أنـــا سوداني أنـــا شُكري   الأحد مارس 20, 2011 7:11 am

أنآ أسيوي أنآ سسعوودي أنآآ ششككري.... Very Happy
الرجوع الى أعلى الصفحة اذهب الى الأسفل
يوسف كيكل
Admin
avatar

عدد المساهمات : 127
تاريخ التسجيل : 22/06/2010

مُساهمةموضوع: رد: أنـــا أفريقي أنـــا سوداني أنـــا شُكري   الأحد مارس 20, 2011 8:40 am

شكريه سعوديه يا هلا بك وحياك يابنت العم ونورتي المكان بس ياريت تفيدينا بمعلومات عن الشكريه في السعوديه ان امكن لك ذلك
ولك كل الاحترام بيننا

_________________
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://shkrea.yoo7.com
شكرية سعودية



عدد المساهمات : 2
تاريخ التسجيل : 18/03/2011

مُساهمةموضوع: رد: أنـــا أفريقي أنـــا سوداني أنـــا شُكري   الأحد مارس 20, 2011 11:01 am

أهلآ وسسهلآ أخي
طبعآ أحنآ الششكريية الي بالسسعودية قليلين جدا بحيث يعدون على الآصآبع
صحيح أنكم الششكرية الآ بالسودآن مآشآء الله كثيرين
والكل يعلم بأن قبآئل بني سسليم التى هآجرت من نجد إلى دول عربية مثل المملكة العربية السعودية ودول الخليج وبلآد الشآم ومصصر والسسودآن وليبيآ وتونسس...وغيرهآآآ... flower
الرجوع الى أعلى الصفحة اذهب الى الأسفل
أحمد التاي العوض
عضو نشط
عضو نشط
avatar

عدد المساهمات : 51
تاريخ التسجيل : 28/11/2010
العمر : 56
الموقع : السعودية - مدينة الهفوف

مُساهمةموضوع: رد: أنـــا أفريقي أنـــا سوداني أنـــا شُكري   الأربعاء مارس 23, 2011 3:40 am

الأخت/ شكرية سعودية ... قد يكون الشكرية السعوديون قليلون عدداً ولكنهم في كل موقع كشم الجبال وهم متميزون بأخلاقهم وكرمهم وقد إلتقيت أحدهم بالفعل هنا في المنطقة الشرقية بالسعودية وكأنه كان قادماً من سهول البطانة بالسودان ومرحباً بك مرة أخرى ونأمل أن نقرأ لك الكثير من المساهمات عن هذا الفرع الهام ولك تحياتي.
الرجوع الى أعلى الصفحة اذهب الى الأسفل
 
أنـــا أفريقي أنـــا سوداني أنـــا شُكري
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ابناء قبيلة الشكريه :: المنتديات :: ملتقى الشكريه العام-
انتقل الى: