منتدى ابناء قبيلة الشكريه

منتدى ابناء قبيلة الشكريه

منتدى للتواصل بين ابناءالقبيله سجل واترك بصمتك
 
الرئيسيةاليوميةس .و .جبحـثالمجموعاتالتسجيلدخول
المواضيع الأخيرة
» عمارة التاي (الهدام)
الجمعة أكتوبر 23, 2015 9:36 am من طرف يوسف كيكل

» جميلة جمال الجيل جمله جالية جمالو# وجيدك يا شكرية أجود من جيد جيد جدي العسير في مالو
الجمعة أكتوبر 23, 2015 9:27 am من طرف يوسف كيكل

» وثيقة البطانة
الجمعة أكتوبر 23, 2015 9:23 am من طرف يوسف كيكل

» تناول بطون الشكرية بالتفصيل
الجمعة أكتوبر 17, 2014 6:08 pm من طرف محمد أبو مسعود الاعوالي

» تحية رمضانية
الأحد يوليو 13, 2014 5:43 am من طرف جعفر زيدان عثمان

» دعوه للتعارف اترك تلفونك
الخميس مارس 13, 2014 4:31 am من طرف يوسف كيكل

» ملامح من اعمال شاعر البطانة ام هبج فى محاولة تحتاج لكثير من التوثيق والمراجع
الإثنين ديسمبر 23, 2013 3:31 am من طرف أحمد التاي العوض

» هلاك القري
الثلاثاء نوفمبر 26, 2013 10:05 am من طرف الصادق احمد عمارة

» رقابة الله عزوجل
الإثنين نوفمبر 25, 2013 4:42 pm من طرف الصادق احمد عمارة

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث

شاطر | 
 

 مطارحة شعرية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
جبرالله خالد

avatar

عدد المساهمات : 6
تاريخ التسجيل : 20/12/2010

مُساهمةموضوع: مطارحة شعرية   الخميس ديسمبر 30, 2010 9:04 am

بواسطة :- جبرالله خالد جبرالله

الشاعر :- الصادق حمد الحلال (أب آمنة) .

مطارحة شعرية بين "مزارع" و "غنامي"..






المزارع :-


وطاتك صايفة و اتلتلون كرعيك


وربطوك بالسلب والآخرة من فوق ليك


تقطف في الدلو و خام الحروت بيديك


مرقوك العصر متل القدود عينيك



الغنامي:-
الحواشة جابتلك نجيلتن حارة


من أكل الدقيق كرشت و بطنك جارة


طباك الفلس زهجان وروحك كارة


من صقط الترع تقطر دمعتك خارة



المزارع:-
صرفولي القطن قبل القمح و الفول


يا صاحب الدبيب لا يمني شن بتقول ؟


جربانك كرتب و بالصرار مشغول


قايل خلاص رزق الشمش ما بزول ؟



الغنامي:-
رجع فوق النعاج ، أم الفرود و التوم


عزل بهمي ، دفر غنمي، و شبع لي نوم


إت تابع الصرف ما حددولك يوم


عمال القطن تابعاك نبيشة و لوم



المزارع:-
قال لي" صايم طول نهارك تطوي في الحنتوت


فوق كيله و ربع لامن خريفك يفوت "


جربانك كرتب و في الصرار بتصوت


يوم يا صاحبي ، بتنقدك دبيبة تموت



الغنامي:-
بالكوريك تسدد ، منبلي و حرقان


واقف طول نهارك و القمح غرقان


لميت الطلب ، جيت لام سراب شرقان


إت ساعة الخلاص من العجم عرقان



المزارع:-
مكاوش في القشوش القفرة و المتلية


من حر الصقط كرعيك شقوقهن مية


عرفناك في الجلب بتجمع المالية


يا جان الغنم ، وين الزكاة الفرضية



الغنامي:-
الليل و النهار راكب الحمار ما بلين


تجمع في ام سراب متل الجمل متطين


آلآم الفلس ، فوقك مؤثر بين


من حش النجيل، ضهرك عضامو تزين



المزارع:-
لبس عالي و مرق من بيتي زولا شاهر


فوق العسنة و البكارة ، ماني مساهر


الليل كلو تطرد في الحمير و تناهر


عيب دقني إن لبس في عمرو هدمًا طاهر



الغنامي:-
إتناشر شهر فوق أم سراب مسجون


موية الترعة سوتلك تلاتة بطون


طباك الفلس ، تسأل تقول مجنون


أنا خايفك تموت من القطن مديون


الغنامي (مخاطبا محصول القطن ):


يا قطن أم سراب أنا منك أعمل كيف ؟


بيني و بينك الخصمة و حرابة السيف


خميت ناسي تب خليتني قاعد ضيف


كمان عدمتني البسقي النعاج بالصيف



القطن (يرد على الغنامي ):


قسم بالله كان تجري و تجيني كتير


أضربك ضربة واحدة تغطسك للجير


ماك عارفني عندي مفتشين و مدير؟


وماك عارفني سويت لزريبة غفير ؟



الغنامي:-
زريبتك هادي ختيتلها ختة عامر


الغبشة أم غفيرًا للمعيزة بسامر


شهيت الركوب فوق المحنة وضامر


لميت النجيل عاد داير تخرب العامر ؟



القطن :-
ماك عارفني وافر و النقاص تميتو


مطرود الحبش من الصبح لميتو


المسكين كسيتو هدوم و كبر بيتو


صارعت الفقر من ناس عطية رميتو



الغنامي:-
سنتك واحدة بس لا اتلتت لا اتنت


من حر الفلس زهجت جماعتك و جنت


حارسين المكاتب للمحال تتصنت


منا و جاي حكايتك يا رفيقي اتشنت



المزارع :-
القش إتملا و اتواقفنلو شروفهن


راعيهم متقز منهن ما بشوفهن


لاوي رقبتو في لوحة يمينو خروفهن


أماتو الكبار يجابدن في صوفهن



الغنامي:-
يا رب العباد تجي السنة البدرية


إتوالن سواري و تردف الضحوية


قيزان الجميلي يجيبن أب شوشية


بت أم سبحة تلعب فوقهن الصقرية



المزارع:-
نفسك ديمة من جيهة الكرم مسدودة


ماك ظالم زكاة الله العليك مفروضة


ضانك تصدفو السارية إن برد في فودة


تتعوض صفير زمبارتك المقدودة . .!



الغنامي:-
نفسك ديمة من حر الفلس موهومة


فوق ضهرك ديون العالمين مردومة


إت مالك مدنقر . . صفقتلك بومة ؟


و لا هموم ديون حواشتك المقسومة ؟


مع خالص تحــــــــ جبرالله خالد ـياتي
[ندعوك للتسجيل في المنتدى أو التعريف بنفسك لمعاينة هذا الرابط]
00971509269069
الرجوع الى أعلى الصفحة اذهب الى الأسفل
يوسف كيكل
Admin
avatar

عدد المساهمات : 127
تاريخ التسجيل : 22/06/2010

مُساهمةموضوع: رد: مطارحة شعرية   الجمعة ديسمبر 31, 2010 8:32 am

تسلم يا حبيبنا على المجاعه الرائعه للشاعر المبدع الصادق ود الحلال ملك المجادعات
وهاك دي مجادعة بين الصادق وامنة وودشورانى
الصادق
ود شــوراني عيني السهر قبَّـــحَه
ولسنــــات الشمت في يانديم متحَّه
علي عانِس متو اللبى يتلى مني وحجه
سولك منكب جملي أب جريـــداً دحَّه


ودشوراني :
سمح الشوفة روقة الغمدة مني منحَّه
وأنا يا أب آمنه ما خلتلي توبه وصحه
ذوقه غريزة الحب في ضميري زرحه
هجَّام دوره تر عجلو وخبيرتو رفحَّه


الصادق :
بعد الشيب عمتني ونفسي مده قرحَّه
عُقب الليله عــادت للأذى البِسرحَّه
درعات القنوب بعد القلب صـارحه
مجبورين علي نـــار دقمه ندرحَّه


ودشوراني :
قلبي الليــــله منطقة القوافي فتحَّه
فــوق الاريل القمَّح كـــلابي شرحَّه
يا عوض الســلاحو الآن كبادي جرحَّه
خدو وسيم وروبتو على الكتـوف لفحَّه


الصادق :
العين ساقده بلحيل وقاسي نصحَّه
لبيع القامه في سهر الليالي دفحَّه
رب العزه في سابع السماوي رفحَّه
روَّق ذهنها وفطنها مـــاصفحَّه


ودشوراني :
وا أسفاي علي صبري الضِعفلو وشحَّه
سببو العارضه فوق شتم النحاس القحَّه
الخـــــــلاَّقه ليَّن طبعها وسمحَّه
زوله فدورة الــنوق في العجيج قمحَّه


الصادق :
تقيلة المجلس المن القبـــيح تسحَّه
من حر شوقه قلبي ينوح ودوفي إتلحَّه
الخلاني القــــايله فيكي ما بسمحَّه
مقطوع النصــيب بيك نفسو مامتحَّه


ودشوراني :
لهجك كُلمة الحنى السبيطه تفحَّه
أندى نداكي يالشتله أُم أدوباً نحَّه
الخلانه خِلَقِك بالشُكُر نمـــدحَّه
أردافك فلو وقدمـك تقيل ما رحَّه


الصادق :
إنتي فريدة العصر ونخـيل الشبره
شوفتك تذهِب الهم والليالي الغبره
بي فر براطمك وقــامتك المنتبره
أحيتيلي نـــار قُبره البتوقِد كَبره


ودشوراني :
البارح نسيم ريحــاً طلق من جبره
ذكَّر عقلي لي ود العنانــيس هبره
آح من فلانه وجرحها المــا بيبره
قلبي عليها ناح بعد اليقين والصبره
الصادق :
أخُش في مكتب الريِّس وأصُد بالعبره
أنا يا دُقمه طشَّت روحي مي منخبره
الخلاني أتختره النصيـــحه وأبره
ياقوت الحضيري الوازنو مية عبره


ود شوراني :
أرض الله الوسيعه علي بقت منشبره
من لهطي وتِقِربني كل صاحب يبره
عارفك يالظهــورِك مي رديه ودبره
فقدك أحرَّ من سم أب لـــدغةً نبره


الصادق :
راسيه وأديبه وعندك فوق ندايدك فوت
وضربك للعشوق كليح سيوف مو سوط
ناس دُقمه متلي مهددين بالمــــوت
زي كورة الهلال شــاتت قلوبُن شوت


جاه بدوي الزيارتو سـبوت
شيخة كُل عارض ومن شلوخه ستوت


الصادق :ودشوراني :
مرجان الجواهر وفاخر الـــياقوت
غير حلاته زينة عينو ليَّ تفـــوت
الحويتو
ياعوض الجســوم إتعودَّن لبلاهن
ميدان العصُر وعُقب القلوب قالأَّهن
بدر الكون كُبس الظلام ضــواهن
العال والوسط فاز بالجمـال خلاهن


ودشوراني :
سبيك الخيل ظبي القفَّرن بخــلاهن
راح يخرِّب شروط التوبه من منشاهن
فليج بسمها العُقد القلوب حـــلاَّهن
السما والأرض يا دقمه فوقنا كـفاهن


ولك التحيه
منقووول

_________________
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://shkrea.yoo7.com
 
مطارحة شعرية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ابناء قبيلة الشكريه :: المنتديات :: المنتدى الثقافي-
انتقل الى: